《鲁迪加胜基奥特 成今季车路士最佳收购?》

2020-05-28|浏览量:276|点赞:646
《原创文章 欢迎转载 请列明出处 谢谢》-请支持蓝狮 Facebook专页-《鲁迪加胜基奥特 成今季车路士最佳收购?》 按此观看图片 .图片来源 : Football.London睇返今个赛季,车路士前四无望引致失去来年欧联参赛资格,回顾所收购既人选,相信大家都会认为喺冬季转会窗由阿仙奴转投过黎既基奥特会係最佳收购,但一直忽略左另一位新加盟既球员喺现时既车路士都有相当大既重要性喺度,佢就係今集主角 - 鲁迪加。由意甲罗马转投黎到蓝桥既德国国脚鲁迪加,喺邦路斯、云迪克等烟幕下加盟,由消息传出直到官方宣布落实确认交易其实都用左相当之短既时间,而当时有唔少球迷都对哩单交易係充满疑问,为何球会选择放走艾基到般尼茅夫以及以借用身份比苏马离开到史笃城,换黎一个身形更单薄同毫无英超经验既鲁迪加?依加以马后炮既角度咁睇答案呼之欲出。鲁迪加係一名相当具速度同韧力既后卫,除左能够踢中坚之外,亦能够胜任左右两闸,着上前副队长伊云奴域既2号波衫,令人联上得到佢会成为新一任后场通天老倌,而且德国人既助攻力亦不容忽视,鲁迪加拥有带球推进前插既能力,同时拥有既长传能力、视野以及精準度都唔会比大卫雷斯差,都能够将皮球由后场快速传送到前线进攻。今季主要配合加利卡希尔同艾斯派古达组成三中坚上阵,同时喺唔少关键既赛事中都发挥出强而稳定既表现,就好似对阵利物浦时「零封」前罗马队友沙拿,而喺最后足总盃决赛对阵曼联时更力压射入全场唯一入球既夏萨特成为赛事中最佳球员。以合计达3,800万欧元,相当于约3,350万镑既转会费收购到哩位德国国脚,可以话係一单高性价比以及相当得宜既交易。鲁迪加定基奥特至係今季车路士最佳收购?睇你点睇...文章最后更新时间 : 27/05/2018 09:45《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持
上一篇: 下一篇:

相关推荐